قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №63 

2014 جىلعى 21 قازان, استانا قالاسى تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ قاعيدالارىن بەكىتۋ تۋرالى «گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى زاڭى 6-بابىنىڭ 11) تارماقشاسىنا سايكەس بۇيىرامىن: 1. قوسا بەرىلىپ وتىرعان تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ قاعيدالارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ گاز ونەركاسىبىن دامىتۋ دەپارتامەنتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەنەرگەتيكا مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ۆ.شكولنيك. قازاقستان رەسپۋبليكاسى ەنەرگەتيكا ءمينيسترىنىڭ 2014 جىلعى 21 قازانداعى №63 بۇيرىعىمەن بەكىتىلگەن تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ قاعيدالارى 1. جالپى ەرەجەلەر 1. وسى تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ قاعيدالارى (بۇدان ءارى – قاعيدالار) «گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى زاڭىنا (بۇدان ءارى – زاڭ) سايكەس ازىرلەنگەن جانە ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ كەزىندە تاۋارلىق گازبەن جابدىقتاۋدىڭ بىرىڭعاي جۇيەسى سۋبەكتىلەرىنىڭ ءوزارا ءىس-قيمىل ءتارتىبىن ايقىندايدى. 2. وسى قاعيدالاردا پايدالانىلاتىن ۇعىمدار زاڭعا سايكەس قولدانىلادى. 2. ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ ءتارتىبى 3. تاۋارلىق گازبەن جابدىقتاۋدىڭ بىرىڭعاي جۇيەسىن وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى (بۇدان ءارى — جدب) ۇلتتىق وپەراتور جۇزەگە اسىرادى. 4. ورتالىقتاندىرىلعان جدب-نى جۇزەگە اسىرۋ كەزىندە ۇلتتىق وپەراتوردىڭ گاز تاسىمالداۋ جانە گاز تاراتۋ ۇيىمدارىمەن ءوزارا ءىس-قيمىلىن قامتاماسىز ەتۋ شارتتاردىڭ نەگىزىندە جۇزەگە اسىرىلادى. 5. جدب-نىڭ نەگىزگى مىندەتتەرى: 1) تاۋارلىق گازبەن جابدىقتاۋدىڭ بىرىڭعاي جۇيەسىنىڭ جۇمىسىن تاۋلىك بويى جدب جانە ۇيلەستىرۋ; 2) گاز تاسىمالداۋ جانە گاز تاراتۋ ۇيىمدارىنىڭ ديسپەتچەرلىك قىزمەتتەرى ارقىلى قازاقستان رەسپۋبليكاسىنىڭ تۇتىنۋشىلارىن تاۋارلىق گازبەن جابدىقتاۋدى باسقارۋ; 3) جاسالعان تاۋارلىق گازدى تاسىمالداۋ شارتتارىنا سايكەس تاۋارلىق گازبەن جابدىقتاۋدىڭ بىرىڭعاي جۇيەسىنىڭ جۇمىس رەجيمدەرىن ازىرلەۋ جانە ولاردىڭ ورىندالۋىن باقىلاۋ; 4) ولشەۋ توراپتارىندا جانە گاز تاراتۋ ستانتسيالارىندا گازدى ولشەۋ كەشەندەرىنىڭ جۇمىسىن باقىلاۋ, سونداي-اق گاز تاراتۋ جۇيەلەرى بويىنشا تاۋارلىق گاز بالانسىن تالداۋ جانە باقىلاۋ. 6. ۇلتتىق وپەراتور ورتالىقتاندىرىلعان جدب-نى جۇزەگە اسىرۋ كەزىندە مىناداي فۋنكتسيالاردى ورىندايدى: 1) گاز تاسىمالداۋ جانە گاز تاراتۋ ۇيىمدارىنىڭ ديسپەتچەرلىك قىزمەتتەرى ارقىلى تاۋارلىق گازبەن جابدىقتاۋدىڭ بىرىڭعاي جۇيەلەرى وبەكتىلەرىنىڭ جۇمىس رەجيمدەرىن باسقارۋدى قامتاماسىز ەتەدى; 2) قىسقى كەزەڭدەگى جۇمىس قورىتىندىلارى بويىنشا تاۋارلىق گازبەن جابدىقتاۋدىڭ بىرىڭعاي جۇيەسىندەگى اقاۋلىقتاردىڭ تۋىنداۋ تاۋەكەلى جوعارى وبەكتىلەردى تالداۋ مەن انىقتاۋدى جۇزەگە اسىرادى; 3) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ اقاۋلىق تۋىنداۋ تاۋەكەلدەرىن جويۋ جونىندە ۇسىنىستار ازىرلەيدى; 4) جەكە مۇقتاجدارعا جانە شىعىندارعا (بۇدان ءارى – جمجش) تاۋارلىق گازدىڭ شىعىسىن ەسكەرە وتىرىپ, تاۋارلىق گازبەن جابدىقتاۋدىڭ بىرىڭعاي جۇيەسىنە تاۋارلىق گازدىڭ ءتۇسۋى مەن ونى تۇتىنۋشىلارعا تاراتۋدىڭ جالپى بالانسىن جاسايدى; 5) تاۋارلىق گازبەن جابدىقتاۋدىڭ بىرىڭعاي جۇيەسىندەگى گازدى ەسەپكە الۋدىڭ شىنايىلىعىن قامتاماسىز ەتەدى; 6) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىندەگى تاۋارلىق گازدى ەسەپكە الۋ جونىندەگى دەرەكتەردىڭ سايكەس كەلمەۋ سەبەپتەرىنە جۇيەلى تۇردە تالداۋ جۇرگىزەدى جانە گاز تاسىمالداۋ مەن گاز تاراتۋ ۇيىمدارىنا تاۋارلىق گازدى ەسەپكە الۋ دالدىگىن ارتتىرۋ جونىندە ۇسىنىمدار ازىرلەۋدى جۇزەگە اسىرادى; 7) تاۋارلىق گازدى ەسەپكە الۋ مەن حيميالىق تالداۋ بويىنشا جاڭا تەحنيكانى ەنگىزۋ جونىندەگى ءىس-شارالارعا قاتىسادى; 8) تاۋارلىق گازدىڭ تاۋلىكتىك جۇمسالۋىن ەسەپتەۋ جانە گاز تاسىمالداۋ جۇيەسى (بۇدان ءارى - گتج) بويىنشا تاۋارلىق گازدىڭ ءوتۋىن تالداۋ جونىندەگى باعدارلامالىق قامتاماسىز ەتۋدى ازىرلەۋگە قاتىسادى; 9) تاسىمالداۋعا قابىلداناتىن جانە تاسىمالداناتىن تاۋارلىق گازدىڭ ساپالىق پارامەترلەرىنىڭ قازاقستان رەسپۋبليكاسىنىڭ تەحنيكالىق رەگلامەنتتەرى مەن ۇلتتىق ستاندارتتارىنا سايكەستىگىن جۇيەلى تۇردە باقىلاۋدى قامتاماسىز ەتەدى; 10) شەكتەس مەملەكەتتەردىڭ گاز تاسىمالداۋ جۇيەلەرىمەن تاۋارلىق گازدى تاسىمالداۋ رەجيمدەرىنىڭ ورنىقتىلىعىن باسقارۋ جانە قامتاماسىز ەتۋ جونىندەگى ءوزارا ءىس-قيمىلىن قامتاماسىز ەتەدى; 11) تاۋارلىق گازدى تاسىمالداۋدىڭ پەرسپەكتيۆالىق جانە قىسقا مەرزىمدى جوسپارلارىن (كەستەلەرىن) جاساۋعا قاتىسادى; 12) گاز تاسىمالداۋ جانە گاز تاراتۋ ۇيىمدارىنىڭ ديسپەتچەرلىك قىزمەتتەرىمەن بىرلەسىپ, وتىن-ەنەرگەتيكالىق رەسۋرستاردىڭ ەڭ از شىعىندارى كەزىندە تاۋارلىق گازدى تاسىمالداۋ جونىندەگى جوسپارلاردىڭ ورىندالۋىنا ىقپال ەتەدى; 13) تاۋارلىق گازبەن جابدىقتاۋدىڭ بىرىڭعاي جۇيەسى بويىنشا تاۋارلىق گازدى جەراستى گاز قويمالاردان تاۋارلىق گازدى ايداۋ مەن ىرىكتەۋ دەڭگەيىن قامتاماسىز ەتەتىن تاۋارلىق گازدى تاسىمالداۋ سحەماسىن ازىرلەيدى; 14) بەرىلگەن ناقتى رەجيمدەردىڭ اۋىتقۋ سەبەپتەرىن تالدايدى, ءاربىر گتج بويىنشا جانە تۇتاستاي العاندا قازاقستان رەسپۋبليكاسى بويىنشا جۇمىس رەجيمىن وڭتايلاندىرۋ جونىندە ۇسىنىستار ازىرلەيدى; 15) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ وڭتايلى جۇمىس رەجيمدەرى كەزىندە تاۋارلىق گازدىڭ بەرىلگەن اعىندارىن قامتاماسىز ەتەدى; 16) تاۋلىك سايىن گاز تاسىمالداۋ جانە گاز تاراتۋ ۇيىمدارىنىڭ جمجش-گە شىعىسىن ەسكەرە وتىرىپ, تاۋارلىق گازبەن جابدىقتاۋدىڭ بىرىڭعاي جۇيەسىنە تاۋارلىق گازدىڭ ءتۇسۋى مەن ونى تۇتىنۋشىلارعا تاراتۋدىڭ بالانستارىن جاسايدى; 17) ديسپەتچەرلىك قىزمەتتەرمەن بىرلەسىپ, تاۋارلىق گازبەن جابدىقتاۋدىڭ بىرىڭعاي جۇيەلەرى وبەكتىلەرىندەگى جوسپارلى-الدىن الا جوندەۋ جۇمىستارىنىڭ بىرىكتىرىلگەن كەستەلەرىن ازىرلەيدى; 18) تاۋارلىق گازبەن جابدىقتاۋدىڭ بىرىڭعاي جۇيەسىن دامىتۋ جونىندەگى, ونىڭ ىشىندە ونىڭ جۇمىسىنىڭ سەنىمدىلىگىن ارتتىرۋعا باعىتتالعان جوبالار مەن ءىس-شارالاردى ازىرلەۋگە جانە ىسكە اسىرۋعا قاتىسادى; 19) تاۋارلىق گازبەن جابدىقتاۋدىڭ بىرىڭعاي جۇيەسىندەگى تاۋارلىق گازدى كوممەرتسيالىق ەسەپكە الۋدىڭ اۆتوماتتاندىرىلعان جۇيەسىن كورۋ مەن ونىڭ جۇمىس ىستەۋىن قامتاماسىز ەتەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 21 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9893 بولىپ ەنگىزىلدى.